MAG-ATUBANG og kasong kalapasan sa Sec.11 and 12 Art. II Republic Act 9165 kon pagbaton sa ginadiling drugas ang usa ka hamtong nga lalaki nga nadisgrasya sa motor, kagahapon sa 11:44 sa buntag, Septiyembre 18, 2024 sa national highway, barangay Tinaan, Dakbayan sa Naga, Lalawigan sa Sugbo.
Ang suspek nga nadakpan mao si Jessie Boy Sabellano, hamtong ang panuigon nga taga Sityo Laguna, Barangay Bulacao, sa Syudad sa Sugbo.
Matod pa sa kapulisan sa Naga sa dihang tabangon na unta si Sabellano ug dad-on sa tambalanan, nakit-an ang 2 ka pakete sa gituohang shabu nga nayagyag,1 ka improvised tooter ug 54 ka rectangular mga plastic.
Si Sabellano gidakop ug gidala Infirmary Hospital sa Dakbayan sa Naga aron matambalan. (DVG)
