NABATASAN na sa VoxPop Davao Publishing Inc. nga manghatag pahalipay sa mga suki nga tigbasa sa Araw ng Dabaw.
Isip pagtamod sa kontribusyon sa mga tigbasa, ang VoxPop Davao (sinuwat sa pinulongan nga English) ug VoxPop Supervoxpop sayong miadto sa kadalanan diin nagsubay ang mga miapil sa Parada Dabawenyo aron manghatag libreng T-shirts.
Ang team gipangulohan ni Circulation Supervisor Leo Ocot uban sa mga personahe sa kompanya.
Ang team namaligya og mantalaan diin ang mipalit hatagan og libreng T-shirt nga dunay printa labot 10 ka rason nga higugmaon ang Davao.
Mga rason mao ang lamian nga durian, 11 ka tribu, pomelo, Philippine Eagle, chocolates, DU30, Mt. Apo, Sun.Star, DCiplinado, Smoking ug Firecrackers ban.
Sa kainit nga paghangop sa mga Dabawenyo, gikuninitan nila ang mga T-shirts.
Mga nakadawat niini nagpasalamat sa makanunayon nga pagtagad kanila sa kompanya.
"Daghang salamat...!!!" malipayong pahayag sa mga nakadawat sa libreng T-shirt.
Sa mga Dabawenyo, Happy 81st Araw ng Dabaw kanatong tanan.