GI-APROBAHAN na sa konseho ang pundo gikan sa calamity fund nga gitakdang magamit kung kinahanglan alang sa pagbatok sa Coronavirus 2019 (Covid-19).
Gibutyag ni Vice Mayor Joaquin Kikang Uy nga usa sa mga rason sa deklarasiyon nga state of public health emergency aron nga mas mapadali ang pagpahayag sa pundo.
"One of the reasons behind sa declaration is the release of funds for precautionary measures for preparation, prevention, also dili man na mahimo og walay pundo nga lakang," matud ni Uy.
Giingong ang maong pag-aproba niini sinyales sa pagpagawas sa pundo labi na ang deklarasiyon ni Presidente Rodrigo Duterte.
"Kana siya mao to ang green light para ma release, sa President alone the declaration of calamity in titled na tanan LGU all over the Philippines nga magamit sa ilang funds," dugang pa.
Gidugang pa nga andam kini nga pundo kung kinahanglanon na sa siyudad labi na sa rekomendasiyon sa City health Office alang sa pagpangandam o kung angayan na nga mogasto og dako.
