UNOM ka mga close contacts sa confirmed Covid-19 case sa Barangay Carmen ang nagnegatibo sa ilang mga resulta sa swab test samtang gipaabot pa ang resulta sa laing tulo.
Ang unom ka mga nagnegatibo mao ang usa ka pamilya sa anak sa nagpositibo nga 61-anyos nga babaye namatay nga taga Barangay Carmen.
Gibutyag ni Dr. Joselito Retuya, Epidemiologist sa City Health Office (CHO) nga mapasalamaton sila human nga nagnegatibo ang mga resulta sa close contacts sa mga kumpirmadong kaso sa Covid-19 sa dakbayan.
"Ang resultado negatibo pud ang unom, ang close kaayo nga atong isa ka pamilya iyahang anak, iyahang bana o kauban sa iyang panimalay," matud ni Retuya.
Samtang duna pay tulo ang gipaabot nga resulta sa close contact sa maong kaso sa Barangay Carmen ug nanghinaot nga unta mag negatibo.
"Duna patay tulo pa nga gi-swab nga diha sa close contact sa atong client o sa confirmed case sa Carmen naa sa atong isolation unit ug gihulat nalang nato ang resulta sa ilang swab," dugang pa.
Samtang sa kaso sa Barangay Lumbia diin 21-anyos nga lalaki ang nagpositibo ug namatay mokabat na usab sa 17 ka mga close relatives niini ang nag-negatibo.
