GI-APROBAHAN sa konseho sa dakbayan sa Cagayan de Oro ang pagkanselar sa pag-biometrics sa mga empleyado sa City Hall atol sa sesyon niadtong Marso 9.
Gibutyag ni Vice Mayor Rainier Joaquin Kikang Uy nga aprobado na ang pagkanselar sa mga biometrics sa nagkadaiyang opisina sa City Hall.
"Cancelation sa katong biometrics naaprobahan na temporarily," matud ni Uy.
Gidugang pa niini nga pwede kini ipa-implementar sa ulo sa departamento apan alang niini, mas maayo nga mag-overreact kaysa walay buhaton nga makatabang sa pagpakgang niini nga sakit.
"Kung angayan gud nganong dili gud pud total okay lang man gihapon mag overreact ta kaysa non acting at all, mas maayo man pud since naa nay scares nga isa pud na nga makatakod," dugang pa.
Nasayran nga gisugyot ni Konsehal Jay Roa Pascual nga walaon una temporaryo ang biometrics labi na niining Covid-19.
