WALAY mga plataporma sila si Gobernador Yevgeney "Bambi" Emano ug Jose Gabriel "Pompee" La Viña base sa pahayag ni Mayor Oscar "Oca" Moreno.
Kini human gibutyag ni Gingoog Vice Mayor Peter Unabia Sr. nga andam moatbang ni Moreno sa pagka gobernador sa Misamis Oriental ug pili-on niini alang sa pagka Mayor sa dakbayan naa nila ni Emano ug La Viña.
Gibutyag ni Moreno nga katungod ni Unabia ang pagpili apan nibutyag nga walay mga agenda ang duha.
"Iya man ng katungod, wala koy problema diha, unsa may agenda ni Bambi gubaon na sab niya diri City ang akong nahimo? That's what he did sa probinsiya, si Pompee unsa may iyang agenda manggiba na sad sa social media?" matud ni Moreno.
Gidugang pa nga pagpangguba lang ang nahibaw-an sa duha (Bambi ug Pompee).
"Pareho nang duha wala'y plataporma, pareho nang duha walay lugar... I don't know what they will do to the city, I don't know," dugang pa.
Nanghinaot na lamang kini nga ang pilion sa katawhan mao ang mosuporta sa iyang mga programa ug plano sa dakbayan.
"But of course it's the people who ultimately decide but I hope they will decide in support sa atong aspirations," pahayag niini.
Kahinumdoman nga walay puas ang pagduso ni Moreno kang Congressman Rolando "Klarex" Uy alang sa pagka Mayor sa siyudad sa Cagayan de Oro sa tuig 2020.
