Patay ang usa ka call center nga ginang human nga giulo sa pagpusil sa wala mailhing riding in tandem alas 6:00 sa buntag sa Sitio Luan-Luan, Barangay Poblacion 1, Siyudad sa Carcar, Sugbo.
Ang biktima giila nga si Yessah Enad Sato, 28, minyo, may duha ka gagmay nga anak ug lumolupyo sa naasoy nga dapit.
Sa pakisusi sa Sunstar Supervoxpop, nasuta nga ang biktima sakay sa iyang motorsiklo nga nipauli gikan sa iyang trabaho sa call center.
Dihang naka-parking na ang biktima, dunay nagsunod niya nga laing nagmotorsiklo ug namusil tumong sa iyang ulo .
Naigo ang biktima sa walang bahin sa ulo ug nisibat dayon wala mailhing mamumuno.
Gisuwayan pa ang biktima sa pagtabang apan nakabsan siya sa iyang kinabuhi.
Ang kapulisan sa Carcar padayon nga nag-imbistigar aron mailhan ang namusil sa biktima.
Wala pay gitumbok ang kapulisan nga motibo sa pagpamusil. / DVG
