Tulo ka Vietnamese nationals ang gipangdakop sa Cavite tungod sa giingong pagpraktis og medisina nga walay lisensya ug permit, mitaho ang Criminal Investigation and Detection Group (CIDG) niadtong Dominggo, Marso 2, 2025.
Sa gipagawas nga balita, giila sa CIDG ang mga dinakpan nga sila si Julie Nguyen, Luna Pham, ug Ryan Truong.
Ang tulo gidakop niadtong Pebrero 27 sa usa ka beauty lounge sa Imus City tungod sa paglapas sa Republic Act 2382 o ang The Medical Act.
Base sa nalangan nga report, nagpaila ang mga suspek nga mga doktor. Naghimo sila og stem cell treatments, hair regrowth procedures, body sculpting, biostimulation collagen injections, ug ubang derma-related procedures nga wala ang gikinahanglang medical license ug permit sa pag-dispense sa medikal nga mga produkto, pag-operate og medical facility, o pagpraktis og medisina sa Pilipinas.
Nakuha gikan sa mga suspek ang daghang mga kahon sa lain-laing mga tambal, mga medikal ug kosmetiko nga mga produkto, mga notebook nga nagdokumento sa mga pamaagi sa medikal, mga tambal nga gireseta, ug mga resibo nga gihatag sa mga kliyente. Napasaka na ang mga reklamo batok sa mga suspek atubangan sa National Prosecution Service.
"We encourage the public to report any illegal practice of medicine and other criminal activities in your localities. Your CIDG will do the rest," sumala sa pamahayag ni CIDG Chief Maj. Gen. Nicolas Torre III. / PNA
