BAYNTE-KUWATRO ka mga vote counting machine (VCM) sa Dakbayan sa Mandaue ang gipulihan sa ilang back-up nga mga VCM, Lunes sa hapon, Mayo 13 sa nagkadaiya nga polling places sa maong dakbayan.
Kini human nga nang-bogged-down ang mga VCM nga gikompirmar ni election officer, Atty. Edwin Cadungog.
Matud niya nga kasagaran tungod sa pag-overheat ang rason nganong mopalya ang mga VCM, hinungdan nga mga electoral board ang gitambagan nga paatubangan kini og electric fan.
Ang mga wala na nag-function nga VCM ang gipangdala na sa Commission on Elections Office sa Dakbayan sa Mandaue ug gitrabaho na sa mga technical staff. FMD