Garbo nga gipahibawo sa 2GO, ang labing dako nga sea travel transportation solutions provider, sa ilang kampanya #ShipNatinTo nga kahatagan og mas hamugaway nga kasinatian ang mga pasahero sa ilang pagbiyahe sa nagkadaiyang lokal nga destinasyon sa nasod.
Ang 2GO Travel nipahigayon og media gathering aron sa pagpahibawo sa ilang mga bag-ong kalambuan nga gipahigayon sa Ulli’s Street of Asia nahimutang sa Il Corso Lifemalls niadtong Oktubre 4, 2023.
Gipahibawo nga aduna nay Café 2GO sa tanan nilang mga barko nga nagtanyag sa ilang signature coffee blend nga perfect nga kombinasyon sa ilang snacks sama sa sandwiches, pastas ug breakfast meals.
Dili mawala ang ilang paborito nga Pinoy pasalubong nga produkto.
Lain pa, sugod ning Oktubre available na ang mga Watsons item sa tanan nilang mga barko.
Gikan sa travel essentials, skin care needs ug over-the-counter nga tambal ang mapalit samtang nagbiyahe.
Gawas sa Watsons, partner na sab sa 2GO ang Kultura ug Miniso nga naghatag og dugang shopping experience sa mga pasahero niini.
Samtang, adunay bag-ong weekend schedule niadtong pasahero nga mobiyahe nga manukad sa Manila paingon sa Puerto Princesa ug Coron, Palawan nga mobiya sa Manila matag Biyernes sa hapon ug mobalik na sa Lunes sa buntag.
Ideal kini niadtong mag-weekend getaways sa mga nahisgutang lugar. Ang tickets mapalit online ug 2GO retail outlets o 2,000 ka authorized agents lukop nasud. / PR