Si Department of Transportation (DOTr) Secretary Jaime Bautista sa Miyerkules, Oktubre 11, 2023, hugtanong mihimakak sa bisan unsang kalambigitan sa mga kurapsyon.
Sa video message nga gi-post sa Facebook page sa DOTr, si Bautista nagkanayon nga nagplano siya nga mopasaka og pormal nga mga reklamo batok sa mga “nagdaut” kaniya, nga niingon nga iyang tuyo nga “kusganon nga depensahan ang kamatuoran ug ang akong ngalan.”
“I am saddened by the baseless accusations being thrown at me that I’m involved in corruption. Please allow me to categorically say that I never accepted any money or favor since assuming the post of Transportation secretary,” matod ni Bautista.
“When I took the helm of the Department of Transportation, I vowed to serve the country and the Filipino people with integrity, which to me is more precious than any material wealth,” dugang niya.
Gihimo ni Bautista ang maong pamahayag taliwala sa mga pasangil sa kurapsyon sa Land Transportation Franchising and Regulatory Board (LTFRB).
Sa sayo pa, si Jeffrey Tumbado, kanhi executive assistant ni LTFRB Chairman Teofilo Guadiz III, namasangil nga ang LTFRB official nidawat og grease money nga mokabat sa P5 milyunes alang sa modification sa rota, pag-isyu og special permit ug prioritization sa franchise papers.
Si Tumbado nagtuo nga si Guadiz wala maglihok para sa iyang kaugalingon lamang kondili ubos sa mando sa mas taas nga awtoridad, apil ang DOTr ug ang Malacañang.
Siya miingon nga siya adunay mga audio recording ug mga screenshot sa mga pagbayloay sa mensahe sa mga indibidwal nga nalambigit, nga nagsilbing ebidensya.
Bisan si Guadiz nanghimakak sa mga pasangil nga siya nangurakot human nimando si Presidente Ferdinand Marcos Jr. sa pagsuspenso kaniya.