MOABOT sa dul-an P400 million nga balor sa drugas ang nasakmit sa Cebu City Police Office sud sa usa ka tuig nga anti-drug operation gikan Enero 1, 2018 hangtod Disyembre 31, 2018.
Sa datus nga gipakita ni Sr. Supt. Royina Garma nga sa 2,564 ka anti drug operation 3,953 niini ang nangadakpan diin 2,833 ang drug user ug 1,120 ang drug pusher.
11 lang ang namatay sa police operation, 5 niini mga drug users ug 6 ang drug pushers.
Nakasakmit silag 39,558.52 grams nga gituohang shabu nga mobalor ang tanan sa P389,325,586.00.
Samtang nakatala usab silag 2,113 ka tawo ang nadakpan sa kampanya batok sa illegal nga sugal ug moabot usab sa P157,016 ang nasakmit nga kwarta.
Nagsugod ang dinaghan nga na sakmit sa
kapulisan ning hinapos nga bahin sa tuig 2018 diin kinilo na nga gituohang shabu ang ilang makuha gikan sa mga bag-ong drug player.
Ning pagsulod sa tuig 2019 hingusgan pa ni Col. Garma ang ilang gubat batok sa illegal nga drugas.
Apan iyang giklaro nga dili siya maka siguro kung wala nay mamatay nga mga drug personalities atol sa ilang ilusad nga anti drug operation.
"alam mo hindi kami ang magsabi na ma lessen ang patay, we warned the criminals not to fight back nasa suspek yan kung gusto nilang pumatay at magpakamatay kung lumaban sila, wala koy assurance it depends on the situation" matod ni Sr. Supt. Royina Garma.
Iyang gipasabot nga daghang mga pagpang ronda ang gihimo sa mga police stations ang walay kinabuhi nga nakalas tungod kay wala mo sukol ang ilang target.
Gawas sa pagtutok sa illegal nga drugas karong tuig 2019 ila usab hingusgan ang loose firearms ilabi na nga nagkaduol na ang midterm election.
Aduna nay listahan ang CCPO sa mga gun holder nga ipaubos nila sa oplan katok sa mosunod nga mga adlaw nga moabot ngadto sa kapin 4 mil.
Gawas sa mga civilian nga adunay armas nga wala na ma renew ang lisensya aduna usab mga elected officials.
Ipasusi pa hinuon ni Garma kung sa 4 mil nga lista pila ang nag puyo sa syudad ug lalawigan sa Sugbo.
Mahimo hinuon nga itahan ang maong mga armas o kaha modangop sa labing duol nga police station alang sa pag renew sa mga papeles niini.
Hugot usab nga gipahimangnoan ang mga gun holder nga mibaligya sa ilang armas sa laing tawo nga wala pa maasikaso ang lisensya.
