GIBALIWALA lang sa hepe sa Cebu City Police Office Police Colonel Royina Garma ang pasangil ni Cebu City Mayor Tomas Osmena nga ang kapulisan sa syudad sa Sugbo gihimong goons sa usa ka politiko.
Matod ni Garma nga ang mga police nag himo lang sa ilang trabaho sanglit ang pag checkpoint sa usa ka dapit adunay pagtugot sa Commission on Election (Comelec).
Ang pag ila usab sa usa ka dapit nga angayang butangan sa checkpoint ila na kining gi estudyohan kung mahimong diha ang agianan sa mga kriminal.
"Di kami pwedeng mag checkpoint kung walang clearance sa comelec there is always clearance with comelec" matod ni Col. Garma.
Gihimakak usab niya ang pasangil sa kapitan sa Calamba nga adunay daghang pulis nga miadto sa compound sa iyang panimay ug matod pa ang uban niini nag taptap sa ilang panagway ug nag-picture-picture pa.
Matod sa post ni kapitan Victor Quijano nga mipakita sa kuha sa CCTV footage nga misulod sa ilang compound nga walay gipakitang legal nga papeles.
Alang kang Garma nga ang presensya sa mga police sa Calamba mao ang crime prevention sanglit naila ang maong lugar tungod sa kadaghan sa ilegal nga drugas.
"Ano crime ba kung mag lakad ang police sa labas ng bahay? Di kase sanay sila na may mga police sa barangay, ngayon ang mga police natin pumapasok sa mga eskinita, di lang sila na sanay iba na ang panahon ngayon," matod ni Col. Garma.
