ANG kapuyo ni Senior Police Officer 1 Adonis Dumpit nanghimakak nga dunay drug bust nga nahitabo Miyerkules, Hunyo 27.
Si Maria Ella Amores nisulti sa interbyu sa SuperVoxPop Cebu, sa ilang gipuy-an sa Tagbilaran City, Bohol, nga si Dumpit nananghid nga mosayo sa paglakaw alang sa duty kay mobisita ang regional director sa Police Regional Office-Central Visayas alang sa security briefing sa pagduaw ni Presidente Rodrigo Duterte sa Bohol karong Huwebes, Hunyo 28.
Nagdala pa gani kini og hanger alang sa uniporme sa kampo ug libro sa pag-umangkon sa kapuyo alang sa photocopy.
Nipasangil si Amores nga paglakaw ni Dumpit, dunay usa ka puti nga sports utility vehicle nga naghaguros sa pagpadagan nga naggukod sa pulis.
Naay laing van nga giiingong nagbabag na sa agianan ni Dumpit dayon ilang nadungog ang mga buto sa pusil.
Matod niya ambush ang hitabo, di drug bust. (Arnold Y. Bustamante/SuperVoxPop Cebu)