HIGHWAY Patrol Group (HPG) Central Visayas mipatuman sa ilang mandato pagsusi sa mga sakyanan ug drivers nga mosulod sa kampo sa Cebu City Police Office (CCPO) Huwebes, Hunyo, 27, 2019.
Gitan-aw sa mga sakop sa HPG Central Visayas kon sakto ba sa papeles ang mga sakyanan ug lisensya sa mga nagmaneho.
Bisan ang sakyanan sa kapulisan wala pasayloan.
Gipara sa mga sakop sa HPG ang mga sakyanan sa sulod sa CCPO aron pangitaan sa ilang mga papeles.
Nanguna sa inspeksyon si Police Captain Saturnino Sedigo, hepe sa HPG Metro Cebu.
Ang wala makasapatos nga driver, civilian man o uniform personnel, isyuhan usab og Temporary Operator's Permit.
Ang pagsusi sa mga sakyanan ug drivers nga mosulod sa kampo usa ka mando ni Police Regional Office Central Visayas Director Brigadier General Debold Sinas. (VoxPop Cebu)
(Kini nga balita nag-update pa. Mahimong i-refresh ang page o bisitaha ang www.voxpop.com.ph/SUPERBALITA-CEBU alang sa dugang pa nga detalye.)
