DUL-AN sa tunga sa milyon ka pesos nga balor sa mga illegal nga pabuto ang gi buboan og tubig sa lain-laing higayon sa Cebu City Police Office ug Lapu-Lapu Police Office Biyernes sa buntag, Disyembre 28.
Sa Cebu City, ang maong mga illegal nga pabuto nabantayan atol sa inspection nga gilusad sa Mambaling Police Station nga gipang display sa designated area sa SRP niadtong wala pa ang pasko.
Sa Lapu-Lapu, gipangulohan ni Senior Superintendent Limuel Obon ang director sa Lapu-Lapu City Police Office ang pagbasa sa mga ilegal nga pabutong nasakmit sa kapulisan gikan niadtong Disyembre 23 hangtod sa Pasko.
Ang mga pabuto mga oversized, imported ug ang uban gibaligya sa dili firecracker zone sa dakbayan.
Bugtong ang mga barangay sa Babag, Canjulao ug Kalawisan lang ang gitugotang makapaninda og pabuto.
Awhag karon ni Obon sa publiko nga di na lang mosuway og baligya og gidili nga mga pabuto sanglit seryoso sila sa ilang kampanya batok niini.
Gibana-banang mokantidad og kapin sa P10, 000 ang kantidad sa mga nasakmit nga pabuto sa kapulisan.