NGANONG wala pa kadagan ang mga Electronic Jeepney (E-Jeep) sa dakbayan sa Lapu-Lapu?
Mao kini ang sagad pangutana sa mga Oponganon, usa ka semana human gilusad ang naasoyng mga sakyanan.
Usa si Pajo Brgy Captain Junard "Ahong" Chan, kinsa midagan usab pagka Mayor sa dakbayan sa umaabot piniliay, ang nakapangutana kalabot niini.
Nagduda siya nga wala mauyoni sa mga tricycle drivers ang maong proyekto hinungdan nga nga wala kini padagana.
Posible nga nahadlok usab ang nagdumala niini, sa pagkakaron kay nakita sa katawhan nga nagdugang lang kini sa trapiko.
Si Chan niini sanglit alang kaniya mas maayo unta nga nag-road widening una sa wala pa kini gi-implementar.
"Tungod kay nalantawan sa mga tricycle driver nga ang kining ilang pagbutang sa E-Jeep mao ang pag phase out kanila.
"It is because ang mga tawo nakita nila nga it can cause traffic nganong ang rota anang ilang E-Jeep ang rota man sa tricycle ug wala giabot sa Mandaue?," matod ni Chan.
Apan ang Presidente sa United Drivers Operators and Transport Cooperative UDOTCO kinsa maoy nagdumala sa mga E-Jeep nga si Malvin Arias mipadaplin sa pagduda ni Chan. Alang ni Arias nasagolan na ug bulok politika ang mga pagsaway batok sa E-Jeep.
Iyang gipasabot nga wala gyuy bisag usa nga mireklamo sa pag-abot sa mga E-Jeep sanglit nakasabot ang tanan nga dili ang pag phaseout maoy katuyoan niini.
Ingon ni Arias nga nalangan ang E-Jeep sa pagbiyahi sanglit naghuwat pa sila sa taripa niini nga gikan sa Land Transportation Franchising and Regulatory Board LTFRB-7.
"Sorry kaayo sa kuan pero ang kato nga time (pag-launching) wala pa maapil ang taripa ug pasulod ato, Nagtuo man gud mi nga okay na tong provisional authority pero kinahanglan pa man gyud diay ug taripa," matod ni Arias.
