NASIKOP sa mga sakop sa Mandaue City Police Office (MCPO) ang usa ka mag-live-in human makuhaan og P1 milyon nga balor sa gituohang shabu sa gilusad nga buy-bust operation sa Sitio Superior, Barangay Looc, Dakbayan sa Mandaue alas 12:45 sa kadlawon Biyernes, Disyembre 27, 2019.
Ang mga nadakpan mao silang Bryan Suarez alyas Tik-tik , 35, taga Hipodromo, Dakbayan sa Sugbo, usa ka city level high-value target ug ang kapuyo niini nga si Michell Capungay, 24, taga Barangay Mabolo, Dakbayan sa Sugbo.
Sigon sa hepe sa MCPO station 5 si Police Major Aldrin Villacampa nga nakadawat sila og lead gikan sa usa ka dinakpan nila sa usa ka checkpoint.
Ang mga dinakpan moatubang sa kasong kalapasan sa Republic Act 9165 o ang Comprehensive Dangerous Drugs Act of 2002. (KFD)