MOHIMO og legal nga aksyon batok sa usa ka Facebook user ang Vicente Sotto Memorial Medical Center (VSMMC) human gi-post niini sa social media ang pito ka mga pangalan nga daw positibo sa Covid-19.
Sa pamahayag sa VSMMC, Marso 26 sa gabii dihang namonitor sa ilahang Incident Command Center sa Covid-19 ang post sa usa ka Rommel Rosito diin duha ka posts ang gihimo niini ug gi-tag niini ang pito ka mga laing accounts.
"The said post contained the sensitive personal information of data subjects attributing that they are allegedly positive with Covid-19," tipik sa pamahayag nga giluwatan sa Medical Chief sa VSMMC Dr. Gerardo Aquino Jr.
Lakip sa impormasyon nga gipakatap ni Rosito sa Facebook ang mga pangan, pangedaron sa tawo, propesyon niini, ug kon asa kini gapuyo.
"We do not tolerate the act of this person. We condemn the same for being unlawful and unethical. The posts are unverified information made without authority of the Department of Health," dugang ni Aquino.
Nasayran nga bisan paman og gipaubos or wala ang mga pasyente sa Subnational Laboratory, ang pagpakatap sa impormasyon niini usa ka kalapasan sa Republic Act 10173 o ang Data Privacy Act.
Gawas niini mag-atubang usab si Rosito og kasong kalapasan sa RA 10175 o ang Cybercrime.
"Vicente Sotto Memorial Medical Center has been serious in the promotion of responsible social media use and strict when in comes to implementation of Data Privacy Act in the hospital," si Aquino nagkanayon.
Giklaro usab sa maong tambalanan nga aduna'y protocol sila nga gipatuman kabahin sa testing diin anaa ra gyud kini sulod sa ilahang tambalanan, ingon man kon anaa na ang coded results niini ilaha kining isumiter sa DOH 7 ug ipadala sa DOH Central Office.
"VSMMC does not have anything to do with the identities. However, we simply cannot sit idle and allow him or anyone to destroy the integrity of the Department of Health," matod ni Aquino.
Niawhag usab kini sa publiko nga magpabilin nga motuman sa balaod ingon man dili mohimo og susama niining insidente. (HBL)