Magpalansang sa krus sa ika-30 nga higayon si Gilbert Bargayo karong Biyernes Santo, Abril 18, 2025.
Si Bargayo wa magduhaduha sa pagpalansang sa krus bisan sa iyang pangidaron nga 65 anyos na.
"Basta makaya lang sa lawas, way problema.." matod ni Bargayo sa pagpadayon sa iyang pagsakripisyo.
Karong Biyernes, alas 2:30 sa hapon, si Bargayo mopahigayon sa linawas nga pagpalansang sa Barangay Tuyom, Dakbayan sa Carcar.
"Dili na usa ka oras nga magpundo. Senior citizen na baya ta, basin dili na ta kaagwanta og dugay," saysay ni Bargyo sa
Nasayran nga makadaghan na siya nagpalansang sa krus sa Carcar. Sa miaging tuig, gipahigayon kini sa Barangay Poblacion 3.
Niadtong una niya nga mga pagpalansang sa krus, ang halad nga iyang nadawat gigahin sa pagpaayo sa ilang kapilya sa Barangay Guadalupe.
Ning higayona, wala na siya'y gigahinan nga proyekto gawas sa iyang pagpadayon sa panaad ug pag-ampo alang sa kalinaw ug kahiusahan sa nasod.
Nanghinaut usab siya nga hapsay, magmalinawon ug patas ang eleksiyon sa Mayo 12, 2025.
"Dili kita magpalabi sa pulitika. Pasagdan ang mga tawo nga gawasnon nga mopili sa ilang gusto nga botohan," matod ni Bargayo.
Una nga nagpalansang si Bargayo sa Dakbayan sa Tacloban, dayon mibalhin sa Sugbo.
Apan naputol kini sud sa duha ka tuig tungod sa pandemiya sa Covid-19. / RRM
