Magharong pag-usab si Esneth Domingo ug Jukiya Iimura para sa mainiton nga rematch sa Korakuen Hall sa Tokyo, Japan karong Sabado sa gabii, Mayo 3 (PH time).
Unang nagtagbo si Iimura ug Domingo tuig 2022 sa maonga arena.
Sa unang panagsangka, nidaog si Domingo human niya gipahunong si Iimura sa ikaunom nga round. Sukad adto, nisagunson na pagdaog si Domingo og upat ka sunodsunod nga away, duha ka regional titles ug misaka pud siya sa flyweight world rankings.
Samtang ang 27-anyos nga si Iimura nakabawi human siya napilde kang Domingo, kay nakadaog man kini og lima ka sunodsunod nga mga away.
Sa weigh-in, si Domingo nitimbang og 110.8 pounds, samtang si Iimura naa sa 111.3 pounds. / RSC from EKA
