Gitinguha sa Kagamhanan sa Lalawigan sa Sugbo ang pagsulbong sa gidaghanon sa mga turista subay sa pagpahigayon sa East Asia Tourism Forum (Eatof) 2026 sa Sugbo sugod Septiyembre 2 hangtod 4, 2026.
Kini maoy gipahibalo ni Rowena Montecillo, pangulo sa Provincial Tourism Office (PTO) subay sa pagpangandam niini sa maong kalihukan.
“It’s really expanding our collaboration with them. The interest of the governor is connectivity, we want more people to come of course they will not do that if we will not also exchange, benchmarking and how we can learn from other countries as well,” matod ni Montecillo.
Niadtong Lunes, Agusto 31, nagsugod na og pangabot ang mga delegado.
Sa nasayran, salmotan kini sa mga gobernador ug tourism officials sa 12 ka mga Eatof member provinces ug regions.
Kini gilangkuban sa Sarawak sa Malaysia, Luang Prabang sa Laos, Tottori sa Japan, Tov sa Mongolia, Quang Ninh sa Vietnam, Gangwon sa South Korea, Siem Reap sa Cambodia, ug ang Probinsiya sa Sugbo.
Gawas sa turismo, hisgotan sab niini ang mga programa ug kalambuan nga mahimo sa sports.
Ugma ipahigayon ang opening ceremony sa Mactan Expo Center sa Dakbayan sa Lapu-Lapu, diin mosunod ang sunodsunod nga mga tigom ug symposium sa dili pa ang salu-salo sa Kapitolyo sa gabii.
Gipasalig sa kagamhanan nga walay ipahigayon nga road closure apan mas gipahugtan niini ang seguridad ug gidugangan ang security personnel pagseguro nga luwas ang tanan nga motambong sa maong higayon. / ANV
