Gilaumang mobalik na pagduwa si Boston Celtics guard Jrue Holiday batok sa New York Knicks karong Martes, Mayo 6, 2025 (PH time), sa pagsugod sa ilang Eastern Conference 2nd round playoffs series sa National Basketball Association (NBA).
Tungod sa nasinati niyang angol (strained right hamstring), si Holiday wala nakaduwa sa katapusang tulo ka mga duwa sa Celtics sa 1st round diin ilang gipukan ang Orlando Magic, 4-1.
Si Holiday nag-average og 10 puntos, 5.5 assists ug 3.5 rebounds sa nag-unang duha ka mga duwa sa 1st round series. / Gikan sa AP