Viva Pit Senyor Sugboanon, Viva Pit Senyor mga ka-Super!
Sa atong pagsaulog karon, Enero 19, 2025, sa ika-460th Sinulog Festival dinhi sa Sugbo, magpabilin tang luwas ug maampingon sa atong paglakaw. Dili usab nato kalimtan nga mag-ampo sa kahitas-an ug ang pagpasidungog sa Balaang Bata Isip usa sa pasidungog kang Señor Santo Niño.
Ang New Cebu Arts Foundation, Inc. nag-organisar og musical tribute pinaagi sa 43rd Cebu Popular Music Festival niadtong Enero 17, 2025, sa University of the Visayas Gymnasium, Siyudad sa Sugbo.
Dala ang 12 ka mga komposisyon, napakita niini ang pagka-creative ug passion sa mga Sugbuanong artist.
Ang Love Song Category Grand Champion nga “Ikaduha” nga kanta naghulagway sa usa ka tawo nga andam mahimong ikaduha sa iyang crush, bisan pa nga kini naa nay kapikas.
“Ang 'Ikaduha' nga song, usa ni siya ka song sa usa ka crush niya, pero iyang crush naa nay tag-iya. So as in mura siya og nag-beg nga pwedi ra ko nga ikaduha sa inyoha. Mura siya og nag-wait nga magbuwag mo. Mura siyag pukawa ko kon buwag na mo,” sey ni Dave Alcano nga usa sa interpreter sa maong kanta.
“As interpreter, ikaduha na ni namo ni Jovie Loon ug 1st time ni Jan Francis Alinsonorin and yeah nakuha na gyud namo ang Grand Champion sa 43rd Cebu Pop Music Festival. Nindot kaayo, nindot kaayo ang 2025," dugang niya.
Samtang ang 17-anyos nga interpreter nga si Janeen Ugang nalipay pag-ayo sa iyang pagka Grand Champion sa Young Songwriters Category sa iyang unang pagsalmot.
“Yes, first time joining the Cebu Pop. It's actually very shocking kay I listened to the other songs, so many nice songs and I know nga our song is also amazing. It's just like surreal gani kaayo kay first time nimo nga ni-join and daog diritso. Very proud sad ko sa composer, writer, and everyone. Very supportive kaayo akong parents and everything, mao ng murag happy gyud kaayo ko,” paambit ni Ugang.
Niingon usab si Mary Therese Jade Damos ang kanhi estudyante ning tagsulat nga pangandoy gyud niya ang modaog isip Best Interpreter sa Cebu Pop.
“At first na-feel nako ang kulba unya pagkahibalo nako nga usa ko sa napilian nga best interpreter sa kadaghan sa singers, lipay kaayo ko as in. Wala ko kahibalo unsa akong ma-feel. Actually, nangandoy ko ma'am nga maskin Best Interpreter lang ko, okay na gyud kaayo ko,” saysay niya.
Ania ang kumpletong listahan sa mga mananaog sa 43rd Cebu Popular Music Festival:
• Best Lyric Video: Batan-ong Sugboanon
Composer: Nicholas Ygot Yu Writer: Jennifer Ygot Interpreter: Klarylle May Dumancas
• Best Interpreter: Mary Therese Jade Damos
Title: Sobra Ra, Sobra Na Composer: Fr. Lyndon Ruiz
• Young Songwriters Category Grand Champion:
Title: Sobra Ra, Sobra Na Composers: Eunice Lasola, Charles Laspinas
Lyricists: Karl Otida, Eunice Lasola
Interpreter: Janeen Ugang
• Love Song Category Grand Champion:
Title: Ikaduha
Composer/Lyricist: Paul Rosa Interpreters: Jan Francis Alinsonorin, Jovie Loon and Dave Alcano (BJFC)