Human niya nasakmit ang iyang ikaduhang undisputed titles sa lahi nga weight division, gibutyag ni Japanese Naoya “Monster” Inoue nga nakaplano nang daan ang sunod niyang tahas.
Sa interbyo sa ringnews24.com, nagkanayon si Inoue nga plano niyang mobalik og away karong Mayo, 2024 apan wala pa siya mohatag og insaktong detalye.
Gipasabot ni Inoue nga padayon pa ang negusasyon kabahin niini.
Si Inoue nahimo’ng super bantamweight undisputed champion pinaagi sa 10th round TKO nga kadaugan batok kang Filipino Marlon Tapales niadtong Martes sa gabii, Disyembre 26, 2023, sa Tokyo, Japan.
Una siyang nahimong undisputed champion sa bantamweight division.
Ang usa ka boksidor mahimo’ng undisputed champion sa usa ka timbang kon maharos niini pag-angkon ang tanang upat ka mayorihiyang mga titulo nga mao ang World Boxing Council (WBC), World Boxing Organization (WBO), World Boxing Association (WBA), ug International Boxing Federation (IBF).
Si Inoue adunay 26-0, 23KOs nga rekord.