MAGBAGAT sila si General Santos City-native boxer Mike "Magic" Plania batok sa Nicaraguan fighter Julio "El Halconcito" Buitrago alang sa 8 rounds non-title sa Super Bantamweight division sa Miami-Dade County Fair & Expo Center sa Florida, USA karong Biyernes, Oktubre 25, 2019 (Sabado RP Time).
Si Plania (21-1, 11KO), 22 anyos, usa sa mga top caliber fighters sa SanMan Promotions ug kanhi World Boxing Council Asian Boxing Council Silver champion, samtang ang beterano og volume puncher nga si Buitrago (13-19, 3KO), 33 anyos, former World Boxing Association Fedecaribe Minimumweight champion.
Si Plania mihimo sa subsob nga training sulod sa pipila ka buwan sa Moro's Gym sa Miami Florida ubos ni Cuban trainer Osmiri Fernandez.
Gawas ni Pinoy boxer Mark Bernaldez, ang ubang mga sparring partner niini mga Miami-based boxers.
"Grabe ni akong preparation ug sakripisyo sa training. Adunay 8 rounds to 10 rounds akong ma-sparring diri. Importante ni busa gipangandaman nako nga fight kay para ni sa akong pamilya," batbat ni Plania sa Supervoxpop Cebu.
Gipadayag ni Plania ning tigbalita nga iyang idolo ang iyang kababayan si fighting Senator Manny Pacquiao. Ganahan sab siya nila ni former World Champions Cuban Guillermo "The Jackal" Rigondeaux ug Mexican-American Mike Garcia.
Si Plania natawo ug nagdako sa Barangay Mabuhay sa Tuna Capital of the Philippines, General Santos City, South Cotabato. Ang amahan ni Plania usa ka tricycle driver samtang ang inahan adunay housekeeping job sa usa sa mga ospital sa ilang dapit. (Daniel Quindao Guden, US Correspondent)