Ang nadakpan nga King Cobra kun Banakon sa Sityo Panas, Brgy. Guadalupe, siyudad sa Carcar, habagatang Sugbo, gi-rescue sa Carcar city police.
Ang nangulo sa pag rescue mao si Police Exec. Master Sergeant Nestor Tonilon, uban sa alert team, ug ni Emilio Dayanggo local government unit, ubos sa hepe nga si Police Lt. Colonel Pedy Noval.
Ang rescue gihimo mga alas 8 sa buntag sa Dominggo, Nobiyembre 19, diin gitugyan ni Rene Juntong, 57, minyo, ang Banakon nga iyang nasikop niadtong Huwebes, Nobiyembre 16.
Asoy ni Juntong sa Superbalita Cebu nga ang maong halas niagi sa karsada sa maong dapit ug sayon ra niya nga nasikop ug gibaatan ang baba.
Apan niaksyon siya og kabalaka sa dihang iyang nasayran nga ang iyang nadakpan nga halas venomous kay King Cobra.
Gihimo ang rescue human ang Supervoxpop Cebu nasayod nga King Cobra ang nasikop ni Juntong hinungdan nga ni coordinate sa kapulisan aron ma-rescue ug ma turnover sa Dept. of Environment and Natural Resources (DENR).
