CHICAGO — Si DeMar DeRozan nitali og 27 puntos, siyam ka assists ug pito ka rebounds, sa paglubong sa Chicago Bulls kang LeBron James ug sa Los Angeles Lakers, 124-108 sa Huwebes, Disyembre 21 (RP time).
Nipasulod ang Chicago og 54.5% gikan sa field ug adunay walo ka mga player nga naka-iskor og double digits. Si Coby White adunay 17 puntos ug si Ayo Dosunmu nidugang og 14. Si Nikola Vucevic adunay 13 puntos ug 10 ka rebounds alang sa iyang ika-16 nga double-double sa season.
Bisan kon wala gihapon si All-Star guard Zach LaVine tungod sa paghubag sa tuo nga tiil, ang Bulls miabli og unom ka duwa nga homestand pinaagi sa ilang ikatulo nga daog sa upat ka mga duwa.
Si James adunay 25 puntos, 10 ka rebounds ug siyam ka assists alang sa Los Angeles, sa iyang kapakyas sa pag-angkon sa ikaduhang sunodsunod nga triple-double. Si Anthony Davis nimugna og 19 puntos ug 14 ka rebounds sa dapit nga iyang natawhan.
Ikaupat kini nga kapildehan sa Lakers sa ilang lima ka mga duwa sukad sa ilang pagdaug sa In-Season Tournament sa NBA.