Gipaabot nga liboan ang motambong sa “National Rally for Peace” nga giorganisar sa Iglesia ni Cristo (INC) karong hapon, Lunes, Enero 13, 2025, sa South Road Properties (SRP).
Kabahin kini sa nasudnong kalihukan sa INC nga dungan nga ipahigayon sa 10 ka mga sentrong dapit sa nasod.
Sa Manila, ipahigayon kini sa Liwasang Bonifacio nga gipaabot usab nga hugpaan sa dakong grupo gikan sa rehiyon sa Calabarzon (Cavite, Laguna, Batangas, Rizal, Quezon) ug Central Luzon hinungdan sa pagsira sa pipila ka mga dalan uol sa venue sa rally.
Ipahigayon usab kini sa Legazpi sa Albay, Ilagan sa Isabela), ug Puerto Princesa sa Palawan sa Luzon; Iloilo, ug Bacolod sa Negros Occidental sa Visayas; ug Davao, Pagadian sa Zamboanga del Sur, Butuan sa Agusan del Norte, ug Cagayan de Oro sa Misamis Oriental sa Mindanao.
Ang rally giorganisar sa INC isip pagsupak sa impeachment compalaints nga gipasaka sa administrasyon ni Pres. Ferdinand Marcos Jr. batok kang Bise Pres. Sara Duterte./RRM gikan sa wires
