Gimando sa Department of Education (DepEd) ang 90 ka adlaw nga preventive suspension sa magtutudlo nga gibasol sa kamatayon sa iyang tinun-an sa Grade 5 tungod sa sagpa.
“We confirm but we are not at liberty to disclose further details since administrative proceedings have already commenced,” matod sa tigpamaba sa DepEd nga si Undersecretary Michael Poa sa Martes, Oktubre 10, 2023.
“Preventive suspension yan... Not punishment,” dugang niya.
Si Francis Jay Gumikib, 14, namatay niadtong Oktubre 2, 11 ka adlaw human siya gikatahong giliaban, gisagpa ug gibira ang buhok sa iyang magtutudlo.
Base sa death certificate nga gipagawas sa Amang Rodriguez Medical Center, ang hinungdan sa kamatayon ni Gumikib mao ang global brain edema, o ang paghubag sa utok.
Kaniadtong Lunes, Oktubre 9, si Philippine National Police (PNP) Forensic Group Medico-Legal Division chief Dr. Hector Sorra miingon nga base sa ilang inisyal nga assessment, si Gumikib aduna usay tuberculosis, “nga dili makamugna og pagdugo.”
Matod niya nga nagpaabot pa sila sa resulta sa histopathological examination sa patay’ng lawas ni Gumikib nga maoy moila sa hinungdan sa iyang kamatayon.
“Ang histopath examination ay microscopic examination doon sa mga tissues na kinuhang sample doon sa namatay... mas mabusisi ang histopath,” matod ni Sorra.