Gibanabanang mo-abot ngadto sa P17,500,000.00 ang danyos sa sunog nga miigo sa usa ka warehouse sa mga plastic nga buhatong foam sa District 1, Brgy. Pulpogan, Consolacion Cebu, alas 5:45 sa hapon, Miyerkules, Mayo 15, 2024.
Matod ni F02 Jaypee Ango, imbestigador sa kabomberohan sa Consolacion, ang nasunog mao ang Marscel Manufacturing Corp. diin gipasaka sa 3rd alarm pagka alas 6:09 sa gabii, fire under control sa alas 6:46 sa gabii, ug na-fire out pagka 8:06 sa gabii.
Usa ka trabahante nga si Tony Robrero ang naangol kay napaso ang lawas.
Ang maong warehouse usa ka one-storey building, ug gipanag-iya ni Mark Anthony Dy.
Padayon pa ang imbestigasyon sa hinungdan sa maong sunog. (DVG)
