Gilaumang masumpayan pa og dugang duha ka mga semana ang pagpalta ni Brooklyn Nets guard Ben Simmons sa National Basketball Association (NBA) gumikan sa iyang gisagubang nga back injury.
Nagkanayon ang Nets nga gitirahan si Simmons og epidural injection isip tipik sa iyang rehabilitasyon sa iyang pagkaangol niadto pang Nobiyembre 6, 2023.
Hinuon gipasabot ni coach Jacque Vaughn nga kasamtangang naghimo og gaan nga workout si Simmons sa iyang kaugalingon. Inig labay sa duha ka mga semana, susihon na sab pagbalik ang iyang kondisyon.