Atubangan sa buhatan sa Department of Social Welfare and Development (DSWD) Region 7 nahimutang sa Barangay Carreta, Cebu City, ang mga sakop sa Pagkakaisa ng mga Samahan ng Tsuper at Opereytor Nationwide (Piston) Cebu, ingon man ang urban poor organizations ang nipahigayon og lihok protesta niadtong Martes, Septiyembre 1, 2026.
Ilang panawagan mao ang ayuda nga alang sa mga drayber nga wala pa nila madawat ingon man fuel subsidies.
Si DSWD Region 7 Director Shalaine Marie Lucero nakig-atubang sa mga representante sa Piston Cebu aron sa pagpaminaw sa ilang yangungo. Nangayo na sab ang DSWD og listahan sa mga pangalan sa drayber nga wala pa makadawat og ayuda. / Juan Carlo de Vela