Sikop ang security guard sa boarding house human nireklamo ang 19-anyos nga dalaga sa pasangil nga kalit nigakos dayon halok sa biktima.
Ang maong insedente nahitabo niadtong alas 11:40 sa gabii, Lunes, Agusto 31, 2026, sa Sanciangko Road, Barangay Kalubihan, Cebu City.
Ang suspek nga anaa sa kustodiya sa Carbon Police Station mao si alyas Joe, 48, ulitawo, taga Barangay Tingub, Dakbayan sa Mandaue.
Ang biktima giila lamang sa alyas nga Anna, 19, estudyante sa usa ka unibersidad sa Cebu City.
Base sa imbestigasyon sa Carbon Police Station, alas 7:30 sa buntag niadtong Martes, Septiyembre 1, 2026, nidangop sa police station ang biktima uban sa iyang boardmate aron mangayo og assistance.
Matod niini, nigawas siya sa ilang boarding house sa dihang kalit siyang gigakos sa security guard nga si Joe ug gihalukan bisan pa sa iyang paglugnot.
Ang mga sakop sa Women and Children Protection Desk (WCPD) sa Carbon Police Station ang nitubag sa alarma ug nidakop sa suspek.
Giandam na sa kapulisan ang kasong Acts of Lasciviousness batok sa guwardiya. / AYB
