Walo sa 82 ka mga pari nga Romano Katoliko sa Pilipinas nga gireklamo og sexual abuse diin dunay koneksiyon kanhi sa simbahan sa Sugbo, apan ang uban kanila patay na.
Sa usa ka taho sa United States-based watchdog nga BishopAccountability.org nga gipagawas niadtong Miyerkules, Enero 29, 2025, nagbutyag nga 82 ka mga pari giakusahan sa sekswal nga pag-abuso sa mga menor de edad sa Pilipinas. Dugang sa naasoy nga grupo, nagpakahilom ang mga obispo nga Pinoy sa mga krimen.
Sumala sa naasoy nga grupo nga kini naglakip sa pito ka bishops nga naapil sa ilang bag-ong online database on clergy sexual abuses apan wala bisan usa kanila ang nakumbikto sa korte.
Ang Pilipinas maoy ikatulo nga nasod sa labing dako nga populasyon sa mga Romano Katoliko sa tibuok kalibotan.
Nunot sa paggawas niini nga taho, ang Archdiocese sa Sugbo nipagawas og opisyal nga pamahayag nga gilagdaan ni Archbishop Jose S. Palma, DD niadtong Enero 30, 2025.
"We acknowledge as an Arcdiocese that sexual abuse of priests involving minors deeply wounded he very fabric of our faith life and community and case irreparable damage to the lives of the victims that scar them for life," matod ni Palma.
Dason niya, "As we continue to confront these painful realities, we continue to invite the faithful to accompany her ministers with prayers and to help in the vigilance of creating and fostering safe spaces in he Church most especially for the most vulnerable of her members."
Apan si Palma niingon nga sa nalista nga ngalan, tulo lang ang iyang naila nga 'incardated' sa archdiocese ug nabalik sa aktibo nga ministeryo human nakatapos sa legal ug canonical nga proseso.
Gideterminar sa civil ug ecclesiastical authories nga "fit to return o active ministry but with coninued guidance and supervision."
"One priest is currently in Cebu but incardated sa laing diocese.." dugang ni Palma.
Panapos ni Palma, "..one can only hope that while he guilty is to be punished, the innocently accused needs also to be spared."
Ang BishopAccountability.org nagkanayon nga ang external mechanisms alang sa pagtaral sa korte sa giakusahan ug igong coverage sa media dili sarang o wala sa nasod nga kadaghanan sa populasyon mga Katoliko. / RRM / SUNSTAR PHILIPPINES