Napriso sa dakbayan sa Naga, Sugbo ang wanted nga 50 anyos nga ginang tungod sa kasong adultery o pagpanapaw human nasikop sa kapulisan sa Barangay South Poblacion, Naga, alas 5:30 sa hapon sa Nobiyembre 29, 2023.
Ang ngan sa ginang gipugngan sa Supervoxpop Cebu,residente sa Barangay South Poblacion, San Fernando, Sugbo.
Ang tracker team sa kapulisan maoy naka-monitor sa ginang nga diha sa iyang panimalay hinungdan nga gi-serve ang warrant of arrest ubos sa kamanduan sa ilang hepe nga si Police Lt. Col. William Humoc. Ang korte nitugot og P36,000 nga piyansa alang sa temporaryo’ng kagawasan sa ginang.
