Ang Visayas Command mopadala og dugang mga sundalo sa Negros Oriental alang sa dugang pagpahugot sa siguridad sa Barangay and Sanguniang Kabataan Elections (BSKE) sa Oktubre 30, 2023.
Matod ni Lt. General Benedict Arevalo, commander sa Viscom, nga ang peace and order situation sa Negros Oriental under control na ug wala nay angay kabalak-an apan wala sila mokumpiyansa.
Tumong ug tuyo niini, sigun sa heneral, aron mahatagan pa og dugang proteksyon ang katawhan sa maong probinsya atol sa piniliay sa BSKE.
Moabot ngadto sa 120 ka mga personnel kun upat ka platoons ang i-padala sa Negros Oriental dugang sa kasamtangan nga gidaghanon sa mga sundalo nga naa na sa maong lalawigan.
Ang maong mga personnel maoy molusad og law enforcement operations isip abag sa mga sakop sa Philippine National Police ug Commission on Elections (Comelec).
