Wala nakaduwa si Minnesota Timberwolves center Rudy Gobert batok sa Brooklyn Nets ning Dominggo, Pebrero 25, 2024 (PH time), sa National Basketball Association (NBA) gumikan sa iyang angol (left ankle sprain).
Nasinati ni Gobert ang iyang angol atol sa kapildihan sa Timberwolves batok sa Milwaukee Bucks, 112-107, sa niaging adlaw.
Hinuon, bisan wala si Gobert, ang Timberwolves nakamaneho gihapon pagbangon gikan sa kapildihan ug gipahimungtan ang Nets, 101-86.
Kini maoy ikaduha pa lang higayon sa 2023-24 season nga wala nakaduwa si Gobert.