MOPAKATAP ang Police Regional Office Davao Region (PRO-12) og kapin sa 6,000 pulis alang sa Barangay and Sangguaniang Kabataan Elections (BSKE) sa Oktubre 30, 2023.
Kini ang gibutyag ni Police Major Rissa Hernaez, ang acting director PRO-12.
Ang maong gidaghanon sa mga police personnel ipakataag sa Gen. Santos City, North ug South Cotabato, Sarangani ug Sultan Kudarat.
Posible nga madugangan pa kini kung adunay madugang sa ilang listahan sa mga "area of concern", sumala pa ni Hernaez.
Gipaambit usab sa opisyal nga ang Soccksargen region aduna lamang 5 barangay nga gibutang sa red category Commission on Elections (Comelec) tungod sa pipila ka "security concerns."
Samtang upat ka barangay gikan sa lungsod sa Pres. Quirino ug 1 sa Lambayong nga sakop sa probinsiya sa Sultan Kudarat.
Niadtong Agosto 28 hangtud Oktubre 17, 2023, 187 ka armas ang nasakmit sa PRO-12 kalabot sa pagpatuman sa Comelec gun ban.
Giklaro ni Hernaez nga ang maong mga armas wala lang masakmit sa mga checkpoints sa Comelec, apan lakip na sa mga ronda, ug pagtuktok, samtang ang uban boluntaryong gisurender.
