SIKOP sa Philippine Drug Enforcement Agency (Pdea-Davao) ang usa ka 26-anyos nga nailhang si Keenmark Bocado alyas Datu taga Barangay. R. Castillo, Agdao, Davao City.
Nakigtransak ang suspek sa operatiba sa Pdea-Davao hinungdan nga nasikop kini.
Nakuha sa iyang posisyon ang 25 gramos nga shabu ug laing pang pito ka pakite nga motibang og 39 gramos.
"Sumpay ni sa among operation kagahapon tong nadakpan namo sa Matina, duda namu usa ka kilo ni iyang item natagtag na ang uban, di ni siya ga-transact og ginagmay dinagko gyud ning iyaha," sumala ni Pdea-Davao Director Antonio Rivera sa pakighinabi sa Radyo Patrol.
Mokantidad sa P960,000 ang mga druga nga nakuha sa posisyon sa suspek.
Dugang niini, sa maong adlaw, dunay pa'y duha ka operasyon ang Pdea-Davao diin mokabat sa P1.3 milyon ang kantidad sa ilegal nga druga nga ilang nasakmit.
