ANG Davao Youth Games (DYG) 2019 Inter-School Developmental League magbukas Septiyembre 14 sa Margarita Gym sa Jose P. Laurel Avenue, Davao City.
Kini ang giyagyag ni Red Sports Events head Rael Diaz atol sa Davao Sportswriters Association (DSA) Forum sa The Annex sa SM City Davao.
"Grassroots na paliga ang DYG. Kasali rin dito mga public schools. We cater mga teams na di usually nakakasali sa ibang liga," suma ni Diaz.
Dugang niya nga karon nga tuig, ang DYG edition apilan sa 30 ka tims.
Ang junior division sa 18 years old and under duna nay 13 ka tims nga miparehistro, samtang sa cadet category (15-under) may siyam na ka tims, ug mini division for 12-under may unom.
Dugang ni Diaz nga ang coaches ug team captains naghimamat sa Pakighinabi Room sa Ateneo de Davao University niadtong Agosto 27 alang sa special forum nga nagtumong sa pag-usab sa kultura sa mga partisipante sa liga.
