ANG Breakthrough and Milestones Productions International (BMPI) Inc., ka-partner ang Philippine Basketball Association (PBA) Legends Foundation, sa ilang pahayag sa nakalabay nga adlaw nagyagyag nga ang PBA Legends: Return of the Rivals karong Nobyembre 08 sa University of the Philippines (Usep) Gym Davao City ang gi-postponed ug wa pay tinong petsa "due to the recurring incidents of high intensity earthquakes in the Davao region".
Si BMPI Mindanao campaign associate Lousyl Joy Butalid, sa text message namahayag, "We would like to extend our sincerest apologies to the league's avid supporters but the safety of the attendees, players, and organizers is our utmost priority."
Niya, mag-post sila og bag-ong petsa sa aktibidad, dungan sa pagsiguro nga ang napalit nga tiket magamit gihapon sa bag-ong petsa.
"Ticket holders may also choose to claim for a refund of the price they paid. The details on how to claim such will also be posted soon," dugang niya.
Ang charity game langkuban sa mga kanhi magduduwa sa San Miguel Beermen ug Ginebra San Miguel.
Pipila sa giingong moduwa mao sila San Miguel Beer's Bong Alvarez, Christian Calaguio, Gary David, Dondon Hontiveros, ug Dabawenyo Alvin Teng.
Anaa sab ang Ginebra San Miguel players nga sila Marlou Aquino, Benito Cheng, Jaime Gayoso, ug Pido Jarencio.
