Nagbinayluay pa gihapon og patutsadahan ang kampo ni President Bongbong Marcos Jr. ug Vice President Sara Duterte.
Apan murag di na kinahanglan nga mulihok ang mga tawo ni Inday ug mas maayong tan-awon na lamang ang mga diskarte sa ayudante ni PBBM.
Kung dili mag-amping ang Malacañang, ang mismong negatibong diskarte sa iyang ginsakupan maoy makaguba kanila.
Nakasentro ang tsismis karon sa daw wala-tuong maniobra sa mga kontraktor.
Bisan-paman og di na bag-o nga mangita og palusot ang mga kontraktor, gikinahanglan gihapon silang magmabinantayon.
Kahibalo hinoon ang tanan, nga matag kontrata sa gobyerno, daw murag “Tubong lugaw”. Dakong kwarta ang galihok luyo sa mga kontrata.
Daghan na ang nadakpan tungod sa pagpaila nga konektado sa First Family, ang problema, dili mangundang.
Pinakasikat karon ang gikonsiderang, “Riding-in-tandem”.Magkapakners sa diskarte.
Aysa, ginapistahan karon sa mga “marites” ang pagkatangtang kang Ako Bicol Partylist Rep. Zaldy Co.
Lain-lain ang espekulasyon ug tsismis sa hinungdan sa iyang pagkatanggal.
Di kaha nakatimaho ang Malacañang? O basin nabiktima kini sa mga “Marites”?.
Hinoon, kung naay “aso”, naa man gyud nay “sunog”.
Dunay istorya nga mipalag ug nagreklamo ang pipila ka mga kontraktor sa Bicol ug nakaabot daw matud pa kini sa “Big Boss”.
Gibasol ngadto kang “Mr. L” ug “Miss S” ang molo sa mga kontraktor gumikan sa tupong-langit ang palusot.
Gansi ang mga kontraktor.
Apan gibag-o na nila ang ilang istratehiya karon, og nangharbat nalang matud pa og project sa adunay project sa DPWH Mindanao.
Mideretso na sila sa mga Local Officials.
Sa tinood lang, daghan ang nalooy kang SAP Anton, tungod kay wala man gyud siyay kalambigitan sa “tsismis” apan dili gaundang ang mga “Marites”.
Unta dali nga mapalong ang kalayo kung ugaling, mudilaab.Ang problema karon lantaran ang mga ayudante ni PBBM.
Nabalaka ta, basin wala na gituyo nga lakip ang opisina sa SAP, ma-Quadcomm.
Unta walay mahimong “Lifestyle Check”.
Masayang gud ang mga gihaguan sa Malacañang sa milabayng tulo ka tuig.
